Artificial Intelligence ကို မြန်မာလို အဓိပ္ပာယ်ဖွင့်တဲ့အခါ (artificial - အစစ်အမှန် မဟုတ်သော၊ intelligence - ဉာဏ်ရည်) "ဉာဏ်ရည်တု" လို့ ဘာသာပြန်လို့ ရပါတယ်။ dictionary မှာတော့ "လူတို့ ဉာဏ်ရည်ကို ကွန်ပြူတာဖြင့် စီစဉ်တုပမှု" ဆိုပြီး အဓိပ္ပာယ် ဖွင့်ကြပါတယ်။
လွယ်လွယ်ပြောရရင် AI ဆိုတာ ကွန်ပြူတာ (machine(စက်) သို့မဟုတ် စက်ရုပ်) တွေကို လူသားတွေရဲ့ အကူအညီမပါဘဲ ဆုံးဖြတ်နိုင်စွမ်းရှိအောင် လုပ်ပေးတဲ့ အရာပဲဖြစ်ပါတယ်။
ဥပမာ စက်ရုပ်တစ်ရုပ်ကို တိရစ္ဆာန် ပုံ တစ်ပုံပြပြီး ဒီ ပုံဟာ ဘာ တိရစ္ဆာန်လဲဆိုတာ ခွဲခြားနိုင်စွမ်းရှိအောင် လုပ်ပေးတာပဲ ဖြစ်ပါတယ်။
စက်ရုပ်က အခုလို လူတွေ အကူအညီမပါဘဲ ဘာတိရစ္ဆာန်လဲ ခွဲခြားနိုင်အောင် လုပ်ဖို့ အတွက်ဆိုရင် အရင်ဆုံး စက်ရုပ်ကို မတူကွဲပြားတဲ့ မြောက်မြားစွာသော တိရစ္ဆာန်ပုံတွေကိုပြပြီး ကြိမ်ဖန်များစွာ သင်ယူခိုင်းရပါတယ်။ အဲ့ဒါကို သင်ယူလေ့လာခြင်း(Learning) ဆိုပြီး ခေါ်ပါတယ်။ အဲ့အဆင့် ပြီးမှသာ စက်ရုပ်က ခွဲခြားနိုင်မှာဖြစ်ပါတယ်။
အဲ့ဒီ သင်ယူခြင်း Learning သီအိုရီကို အခြေခံပြီး AI ကို နယ်ပယ်အမျိုးမျိုးမှာ ကျယ်ကျယ်ပြန့်ပြန့် အသုံးပြုနေကြပါတယ်။ အဲ့ထဲက တချို့ကတော့ မောင်းသူမဲ့ ကားများ(ဥပမာ Tesla)၊ Iphone မှာ ပါတဲ့ Siri ၊ ဘာသာပြန် ဆော့ဖ်ဝဲများ(ဥပမာ Google translate)၊ ဆေးပညာမှာဆိုရင်လည်း ကင်ဆာဆဲလ် ရှိမရှိ၊ စတော့ရှယ်ယာ ဈေးကွက် ခန့်မှန်းခြင်းများ စတဲ့ ကျွန်တော်တို့ နေ့စဉ်ဘဝမှာ အသုံးပြုနေကြတဲ့ နည်းပညာတွေပဲဖြစ်ပါတယ်။
🔸️Artificial Intelligence (AI)လား?
🔹️Machine Learning (ML)လား?
🔸️Deep Learning (DL)လား?
အားလုံး ကြားဖူးနားဝရှိကြမယ့် အသုံးအနှုန်းတွေ ဖြစ်ပြီးတော့ သေချာ မသိတဲ့ သူတွေ ဒါမှမဟုတ် မီဒီယာတွေကတော့ AI, ML, DL စတာတွေကို တူညီတဲ့ အဓိပ္ပာယ် ဖွင့်ကြပါတယ်။ တကယ်တော့ သူတို့မှာ ကွာခြားချက်လေးတွေရှိပါတယ်။
💡Artificial Intelligence - ဆိုတာကတော့ လူအသုံးအများဆုံးနဲ့ ရေပန်းအစားဆုံး စကားလုံးဖြစ်ပြီး အပေါ်မှာ ပြောခဲ့တဲ့အတိုင်း AI ဟာ machine(စက်) တွေကို လူသားတွေရဲ့ အကူအညီမပါဘဲ ဆုံးဖြတ်နိုင်စွမ်းရှိအောင် လုပ်ပေးတဲ့ အရာဆိုပြီး ကျယ်ပြန့်တဲ့ အဓိပ္ပာယ် ရှိပါတယ်။
⚙️Machine Learning - ကတော့ Artificial Intelligence ရဲ့ အစိတ်အပိုင်း တစ်ခုဖြစ်ပြီး စက်တွေကို လူတွေ အတိုင်း စဉ်းစားနိုင်အောင် လုပ်ပေးတဲ့ နည်းလမ်းတွေ(မော်ဒယ်တွေ)၊ လုပ်ငန်းစဉ်တွေ၊ နည်းပညာတွေကို စုပြီး ခေါ်ယူတဲ့ အသုံးအနှုန်းဖြစ်ပါတယ်။
🤖အပေါ်မှ ဥပမာ ပေးထားတဲ့အတိုင်း စက်ရုပ်ကို လူတွေ အကူအညီမပါဘဲ ဘာ တိရစ္ဆာန်လဲ ခွဲခြားနိုင်အောင် လုပ်ဖို့ အတွက်ဆိုရင် အရင်ဆုံး စက်ရုပ်ကို မတူညီကွဲပြားတဲ့ မြောက်မြားစွာတဲ့ တိရစ္ဆာန်ပုံတွေကို ပြပြီး သင်ယူခိုင်းရပါတယ်။ ဒီထဲမှာပါ ပုံတွေကို ပြပြီး သင်ယူစေတယ်ဆိုတဲ့ ထဲက သင်ယူ(learning) ဆိုတာဟာ Machine Learning စကားလုံးထဲက learning ပဲဖြစ်ပါတယ်။ Training (လေ့ကျင့်ပေးခြင်း) လို့လည်း ခေါ်ပါတယ်။
🤖 ခုလို စက်ရုပ်က သင်ယူနိုင်ဖို့ အတွက်ဆို စက်ရုပ်ကို ပြဖို့ တိရစ္ဆာန် ပုံများစွာ လိုအပ်ပါတယ်။ အဲ့လို ပုံတွေကို training data သို့မဟုတ် learning data (လေ့ကျင့်နေတဲ့ အချိန်အတွင်း အသုံးပြုတဲ့ ဒေတာ) ဆိုပြီး ခေါ်ပါတယ်။
🤖 ဒီ ဥပမာမှာ ပြောခဲ့တဲ့ ဒေတာကတော့ ပုံတွေဖြစ်ပေမယ့် Iphone Siri လို နေရာမျိုးမှာဆို data တွေဟာ အသံ(voice)တွေ ဖြစ်ပြီး google translate လို နေရာမျိုးမှာဆို data တွေဟာ စာကြောင်းတွေ စကားလုံးတွေဖြစ်ကာ အခြား ကိန်းဂဏန်း data တွေလည်းရှိပါတယ်။
ဒီ data တွေက machine learning တွေရဲ့ အဓိကလို့ ပြောလို့ရပါတယ်။
🧠Deep Learning - ကတော့ Machine Learning ရဲ့ အစိတ်အပိုင်း တစ်ခုဖြစ်ပြီး များပြားလှတဲ့ Machine learning နည်းလမ်းတွေ(မော်ဒယ်တွေ)ထဲကမှ Deep learning မော်ဒယ်တွေကတော့ လူသားတွေရဲ့ ဦးနှောက် ဖွဲ့စည်းပုံတွေကို တုပပြီး ပြုလုပ်ထားတဲ့ နည်းလမ်းတွေ(မော်ဒယ်တွေ)ပဲ ဖြစ်ပါတယ်။
ခြုံပြီးပြန်ပြောမယ်ဆိုရင်တော့ Deep Learning ဟာ Machine Learning ရဲ့ အစိတ်အပိုင်း တစ်ခုဖြစ်ပြီး Machine Learning ကတော့ Artificial Intelligence ရဲ့ အစိတ်အပိုင်းတစ်ခု ဖြစ်ပါတယ်။
အသေးစိတ်ကို နောက်အပတ်ကစပြီး Baeom ကနေ ဖွင့်လှစ်မယ့် Deep Learning Playlist မှာ လက်တွေ့ကျကျ အခြေခံက စပြီး ပြောသွားမှာ ဖြစ်ပါတယ်။
ခုလို အပြိုင်အဆိုင်များတဲ့ ခေတ်ကြီးမှာ AI တွေ Machine Learning တွေ အကြောင်း သိထားတဲ့ သူနဲ့ မသိထားတဲ့ သူတွေဟာ လုပ်ငန်းခွင်မှာ ဖြစ်စေ သုတေသနလုပ်သည့် အခါဖြစ်စေ အလွန် ကွာခြားပါတယ်။
အဲ့တော့ အခုထဲကစပြီး ဒီ ဘာသာရပ်ကို အခြေခံကစပြီး အတူတူ လေ့လာကြရအောင်။✨️
Baeom ရဲ့ Deep learning Playlist ထဲမှာတော့ Deep Learning ကို အောက်ပါအတိုင်း လုံးဝ အခြေခံ တွက်ချက်နည်းကနေ စတင်ပြီး နားလည်ရအလွယ်ကူဆုံးဖြစ်အောင် အတူတကွ လေ့လာသွားမှာ ဖြစ်ပါတယ်။

Full Playlist : https://youtube.com/playlist?l....ist=PLcj3ozAnKTG7Qs1

Channel Link :
https://www.youtube.com/channe....l/UCYsrnFgMjmOGD3kCv

ဒီ ဗီဒီယိုလေးက ကြည့်ရှုသူအတွက် အထောက်အကူ ဖြစ်စေတယ်ဆိုရင် Like & Share လုပ်ပေးကြဖို့ မေတ္တာရပ်ခံအပ်ပါတယ်။

Facebook : https://www.facebook.com/baeomedu
Website : https://baeomedu.org/

#artificialintelligence #machinelearning #deeplearning #datascience #ai
#အခမဲ့ပညာရေး #ပညာ‌ရေး #မြန်မာ #သိကောင်းစရာ #နည်းပညာများ